Yon nesesite
Ayiti ap travèse move moman. Timoun ak jèn yo ap fè fas ak anpil difikilte ki ap kite mak nan lavi chak jou yo. Dwa pou jwi yon bon ti tan pitit toujou ap disparet pou l bay plas ak enkyetid chak jou. Se poutèt sa, chak espas ki pote kè kontan, pataj ak byenèt vin tounen yon trezò. Se misyon sa a REVIV ap pote pou jèn timoun ak adolesan yo nan dat 7 jen sa a. Inisyativ sa a se yon okazyon an lò pou fè tout peyi a ak mond lan sonje ke pitit toujou la, epi timoun yo gen dwa pou yo kontan malgre kriz la.
An reyalite, atravè aktivite sa a, REVIV ap bay timoun yo yon souf fre, pou raple yo ke lavi yo, dwa yo ak rèv yo enpòtan. Se tou yon envestisman ki gen anpil valè nan lavi yo chak jou, epi yon fason pou ede yo devlope malgre kriz peyi a. Nou sonje ministè sa a, ki anba direksyon Esther Medjine Charles, se yon espas kote jèn yo ka eksprime talan yo, pale sou sa k ap boulvèse yo, epi poze kesyon sou lavi yo. Rankont la fèt chak samdi nan lokal legliz la nan Fragneau, soti 9 è rive 11 è nan maten.
