"Descubre la Música y la Cultura Haitiana en Haïti Music 🇭🇹"
Haiti Music
Mache nan Lakou New York se tankou mache nan yon galeri san plafon. Se la kreyasyon Ayisyen an pran fòm.
Sou bò lanmè Jakmèl, gen yon espas ki bat ak kè atizana Ayiti ke yo rele : Lakou New York.
Lakou New York se yon sant ekspozisyon ak echanj kiltirèl nan Jacmel, kote atizan lokal yo ekspoze ak vann atizana tankou penti, bijou, eskilti, ak lòt kreasyon atistik ki chaje koulè ak istwa.
Sa ki pi enteresan an Vizitè yo ka patisipe nan atelye atistik yo
Kote yo gen chans pale ak atis yo , aprann kek teknik , tande istwa ki kache dèyè chak travay sa yo ,
Yo asiste tou ak pèfòmans mizikal, epi achte atizana dirèk nan men atis yo.
Chak vizit ou fè la se tankou yon vwayaj otantik nan kilti ayisyèn nan.
Mi yo ak planche yo dekore ak mosaïk ki fè espas la vivan ak akeyan. Lakou a se yon kote kominote a rasanble pou selebre kreyativite ak eritaj yo.
Malgre kèk defi antretyen, Lakou New York rete yon pwen enpòtan pou touris ak moun zòn nan ki renmen atizay ak kilti.
Depoze telefonn ou , ann al viv yon moman inik nan Lakou New York.
chak ti detay gen yon siyifikasyon:
- W ap rankontre atis ki gen talan
- W ap viv yon kilti ki fyè de tèt li
- W ap jwenn yon souvni pou lavi ki reflete bèlte Ayiti
Lakou New York, se pa sèlman yon kote pou vizite men Se yon rankont ak kilti k ap tann ou.
Ki moun ki prale ak mwen?
Eske ou vizite l deja ?
Somos "Haïti Music 🇭🇹"
15 Out 2025 | 09:08:15 AM
